15 марта 2014 г.
Шурă юр куçран çухалман-ха. Çакăнпа усă курса Патăрьелĕнчи иккĕмĕш вăтам шкулти пиллĕкмĕшсем "Йĕлтĕр йĕрĕ-2014" эстафетăна тăчĕç. Стадионта ачасен хаваслă шавĕ тăрать. Пĕрин хыççăн тепри йĕлтĕр йĕрĕпе чупать. Хавхалантараканĕсем йышлă. "В"-сем финиша малтан кĕчĕç. Хăйсен этапĕнче Н. Мазяков, В. Егорова, М. Иванова, Д. Николаев тата ыттисем те хастарлăхпа палăрчĕç. Мала тухни çеç мар, туслăх çирĕп, сывлăха тĕреклетме май пулни те хавхалантарчĕ пире.
О. САЛМИНА
Источник: "Авангард" (газета Батыревского района)