11 декабря 2013 г.
_ 2013" РАЙОНТИ культурăпа кану центрĕн сцени çине "Патăрьел мисĕ _ 2013" конкурса хутшăнакан тăхăр пике тухса тăрсан, жюри те çухалсах кайнă-тăр: пĕринчен теприне пĕр кашăк пылпа çăтса ямалла-çке! Яштака, вăрăм çивĕтлĕ, чипер...Тупăшура вара хĕрсен тĕрлĕрен "ала" витĕр тухма тивнĕ: хăйсемпе паллаштарни, 80-çулсенчи модăна кăтартни, хитре çи-пуçа рекламăлани тата ытти те.
Хĕрупраçсем ăмăртăва пурте тĕплĕн хатĕрленнĕ. Конкурсантсене пур енĕпе те хакланă хыççăн Патăрьелĕнчи вун тăватă çулхи Наталия Исаева чи чипер пике пулнине ĕнентерекен пуç кăшăлне çĕнсе илнĕ. Ытти "Нарсписем" те пайсăр юлман, каншиех мĕнле-тĕр ята тивĕçнĕ: сăпайлă, илĕртỹллĕ, çыпăçуллă...
Источник: "Авангард" (газета Батыревского района)