Публикации » Кадетсен класне тепĕр çирĕм улттăн хутшăнчĕç

26 октября 2013 г.

ИРТНĔ çул Раççейри Тинĕс-çар флочĕн кунĕ умĕн Патăрьелĕнчи пĕрремĕш вăтам шкулта пĕлтерĕшлĕ мероприяти пулса иртнĕччĕ. Пуçласа шкул сакки çине ларнă çирĕм ултă арçын ачапа хĕр ачана кадетсен шутне кĕртсе ятарлă тум тăхăнтартрĕç. Республикăри "Морское братство" тата "Союз моряков" текен обществăлла организацисен хастарлăхĕпе пуçарнă çĕнĕлĕх çакăнпа çеç вĕçленмен. Паян асăннă шкултанах йăрăм кĕпеллĕ пĕчĕк моряксен йышне тепĕр çавăн чухлĕ шăпăрлана (хальлĕхе ун пек каласан та юрать пулĕ) йышăнчĕç. Кун пирки хаçатăн çитес номерĕнче тĕплĕнрех çутатăпăр.

Источник: "Авангард" (газета Батыревского района)