21 августа 2013 г.
ХАВАСЛĂ та шавлă çуллахи каникул вăхăчĕ иртсе пырать. Ытти шкул ачисем çак савăнăçлă виçĕ уйăха пĕр шухăшсăр канса ирттерчĕç пулсан, Патăрьелĕнчи иккĕмĕш вăтам шкулти уйрăм хастарсем пирки çакнах калаймăн.
Республикăри "Зарница" тата "Орленок" çарпа спорт вăййисенче çĕнтерỹçĕ пулма тивĕçнĕ команда членĕсем В. Антипов учитель ертсе пынипе çăвĕпех шăрăх çанталăка пăхмасăр Раççей шайĕнче республика чысне хỹтĕлеме хатĕрленсе тар тăкрĕç. "Зарница Поволжья" тупăшу сентябрĕн 10 - 14-мĕшĕсенче Оренбург хулинче иртмелле.
Çамрăк "салтаксемшĕн" тренировка кунĕсем те шутлă çеç юлчĕç темелле. Ăмăрту çивĕчлĕхĕ пирки вара хаçат вулаканĕсене каярахпа тĕплĕнрех хыпарлăпăр.
Источник: "Авангард" (газета Батыревского района)