17 августа 2013 г.
Районти культурăпа кану центрĕнче тĕрлĕрен юрă ăстисем час-часах пулкалаççĕ-ха. Республикăри Виктор Петров ертсе пыракан кулăшпа сатира театрĕн артисчĕсем аякри кăнтăр районне сайра-хутра çеç çула тухаççĕ. Хальхинче вара чаплă юбилейпе хатĕрленĕ программăна Патăрьелсене кăтартма илсе килнĕ.
Чăвашсен "Никулинĕн" ушкăнĕ пуçласа халăха сцена çинчен ăш хытиччен култарма пикенни вăтăр çул çитнĕ-мĕн.
Концерта килекенсем пурте вĕсен пултарулăхĕпе кăмăллă юлнă.
Источник: "Авангард" (газета Батыревского района)