29 июня 2013 г.
РАЙОН администрацийĕн ЗАГС пайĕ 50, 55, 60 çул пĕрле мăшăр кăвакарчăнсем пек шăкăл-шăкăл килĕштерсе пурăнакансене саламлассине ырă йăларан кăлармасть. Ара, çỹçĕсем кĕмĕлленнĕ ватăсене тимлĕхрен ытла мĕнех кирлĕ-ши? Çĕртме уйăхĕнче çеç вĕсем Аслă Чементи Валерийпе Раиса Черновсене, Патăрьелĕнчи Геннадийпе Анастасия Задоровсене, Алманчăри Михаилпа Мария Петровсене ылтăн туй ячĕпе ăшшăн саламланă. Вĕсем пурте ялта хисеплĕ ватăсем, пилĕкшер ача çитĕнтерсе пурнăç çулĕ çине тăратнă.
Источник: "Авангард" (газета Батыревского района)