Публикации » ШУТЛАВ ТĕНЧИНЧЕ

29 мая 2013 г.

Патăрьелĕнчи "Юмах" ача садĕнче С. Романова воспитательница ашшĕ-амăшĕ валли аслă ушкăнрисемпе "Хаваслă вĕлле" ятпа уçă заняти ирттерчĕ. "Чĕр чунсене мĕнле пулăшатпăр эпир?" темăпа пулчĕ вăл. Ачасене математика тĕнчине илсе кĕрессине тĕпе хучĕ воспитательница. Тухрĕç вара вĕсем çула. Хăйсен пĕлĕвĕпе кашни чĕр чуна асамлă çуртăн алăкне уçма пулăшрĕç. Вĕрентỹ мелĕсем чăн-чăнах ачасене шутлав тĕнчине кĕме пулăшаççĕ. Занятине музыкăпа пуянлатни те илĕртỹллĕ пулчĕ. Садике çỹрекенсем кунсерен аталанни куç умĕнче. Юлашкинчен аслисем анкета ыйтăвĕсене хуравларĕç.

С. НИКОЛАЕВА.

Источник: "Авангард" (газета Батыревского района)