08 мая 2013 г.
Иртнĕ эрнере республикăра пушар хуралĕн кунĕ пулчĕ. Çавна май мĕн пур вĕрентỹ учрежденийĕсенче ачасем пушар хăрушсăрлăх йĕркисене мĕнле пĕлнине тата пăхăннине тĕрĕслес тĕллевпе уçă уроксем иртрĕç. Çын пурнăçĕпе çыхăннă пĕлте-рĕшлĕ мероприятие пирĕн районта та тивĕçлĕ шайра йĕркеленĕ. Патăрьелĕнчи иккĕмĕш вăтам шкулта пушар хăрушсăрлăхне пăхăнас тĕллевпе ирттернĕ урока районти пушар чаçĕн начальникĕ Ю. Воробьев, район администрацийĕн ятарлă программăсен пайĕн начальникĕ Г. Каллин, районти пушар надзорĕн аслă инспекторĕ А. Тукмаков, ВДПО инспекторĕ И. Еремеева вут-кăварпа пулакан инкексенчен мĕнле асăрханмаллине, ăна епле парăнтармаллине, васкавлă пулăшу памаллине каласа ăнлантарнă, ун пек чухне çухалса каймасăр пурнăçламалли ĕçсене кăтартнă. (Хамăр корр.)
Источник: "Авангард" (газета Батыревского района)