05 октября 2011 г.
Патăрьелĕнчи иккĕмĕш вăтам шкулти педагогсем тăтăшах вĕренекенсене район, республика шайĕнчи олимпиадăсене, ăс-хакăла аталантармалли вăйăсене, мероприятисене явăçтарас тĕлĕшпе тимлеççĕ. Тăрăшса вăй хуни вара куç умĕнче. Ачасем çулсеренех республикăри тупăшусенче 1,2,3 вырăнсене çĕнсе илеççĕ. 2010-2011 вĕренÿ çулĕсенче, сăмахран, 10 “е” класри Сергей Иванов Пĕтĕм Раççейри “Золотое руно” ăс-хакăл конкурсĕнче пĕрремĕш вырăн çĕнсе илнĕ. Ăна хатĕрлекенĕ – Ю. Волкова учительница.
Источник: "Авангард" (газета Батыревского района)