30 июля 2008 г.
Çак ятпа йĕркелерĕç черетлĕ выставкăна Патăрьелĕнчи ача-пăча библиотекин ĕçченĕсем. Унта çыравçăсен паха произведенийĕсене кĕртнĕ. Э.Патмарăн пĕр кĕнекинчи 365 юмахĕпе кашни кун паллашма пулать. “Асамлă юмах кушелĕ” Раççей тата ют çĕр-шыв халăхĕсен юмахĕсемпе илĕртет. Районта çуралса ÿснĕ М.Карягина, Л.Сачкова, Р.Сарпи, ытти авторсен кĕнекисем пур выставкăра. П.Çăлкуç, Н.Ыдарай, Л.Сарине, С.Асамат та ачасем валли сахал мар çырнă.
Çуллахи каникул вăхăтĕнче те библиотека çамрăк вулакансенчен татăк тăмарĕ. Кĕнекене юратакансем выставкăпа тĕплĕн паллашасса шанас килет.
Источник: "Авангард" (газета Батыревского района)