28 ноября 2022 г.
Турă Амăшĕн иконĕ кунĕнче Сретени Господня ячĕллĕ Пăлапуç Пашьелĕнчи чиркỹре Улатăр тата Пăрачкав епископĕ Феодор хутшăннипе уяв кĕлли ирттернĕ.
Владыкăна район администрацийĕн пуçлăхĕ Рудольф Селиванов, Пăлапуç Пашьел ял тăрăхĕн пуçлăхĕ Владимир Никитин, Патăрьел муниципалитет округĕн депутатсен Пухăвĕн депутачĕ Петр Ларев кĕтсе илнĕ.
Владыкăна уяв кĕллинче Улатăрпа Пăрачкав епархийĕн III округ благочиннăйĕ, çветтуй Троица ячĕллĕ Туçари чиркỹ настоятелĕ Николай Марков протоиерей, тавра ялти пачăшкăсем пулăшнă.
Литурги вăхăтĕнче Мускав тата пĕтĕм Раççейри Кирилл Патриарх пил панипе Феодор епископ Иоанн Спринсян иерея палица тăхăнма ирĕк илнине палăртнă.
Кĕлĕ вĕçленнĕ хыççăн Владыка архипастырь сăмахне каланă, чиркĕве çỹрекен хастарсене Архиерей грамотине панă.
А. КАПИТОНОВА. Кивĕ Ахпỹрт ялĕ
Источник: "Авангард" (газета Батыревского района)