23 января 2018 г.
Иртнĕ çул К. В. Иванов ячĕллĕ Чăваш патшалăх академи драма театрĕн пысăк юбилей пулчĕ - артистсем пуçласа сцена çине тухни пĕр ĕмĕр çитрĕ.
Пысăк менельник ячĕпе культура учрежденийĕ "Тăван Атăл" журналпа пĕрле викторина йĕркеленĕ. Унăн условийĕпе килĕшỹллĕн театр искусствине кăмăллакансен сцена ăстисен пултарулăхĕпе, драмтеатр историйĕпе çыхăннă ыйтусене тĕрĕс хуравламалла пулнă. Конкурса хутшăнакансен йышĕ пĕчĕк мар, редакцие вулакансенчен 100-е яхăн хурав кĕнĕ. Вĕсен хушшинчен вара пĕрремĕшпе иккĕмĕш вырăнсене Йĕпреç тата Муркаш районĕсенчи хастарсем пайланă, виççĕмĕш вырăнта вара пирĕн районти Пăлапуç Пашьелĕнчен харăсах виçĕ çын: Елена Иванова, Алла Краснова тата Светлана Никитина. Çĕнтерỹçĕсене сум- лă парне кĕтет.
Источник: "Авангард" (газета Батыревского района)