15 ноября 2016 г.
Пăлапуç Пашьелĕнчи вăтам шкулта "Çăлтăрпа зарядкăна" проект ĕçе кĕчĕ. Çĕнĕскер вăл. Çав ятпа ачасене директорăн вĕрентỹпе воспитани енĕпе ĕçлекен çумĕ Р. Мазякова саламларĕ. Кашнийĕн кăмăлĕ савăк. Ирхи зарядка ăс-тăн пухмашкăн пуçăнма вăй-хал кĕртет-çке. "
Çăлтăрĕсем" вара _ çиччĕмĕшсем. А. Лисицына физкультура учителĕ ертсе пынипе вĕсем ачасене кĕвĕ çемĕн тĕрлĕ хускану тутараççĕ. Кĕçĕн классем те аслисенчен айккине юлмаççĕ.
Сывă пурнăç йĕркишĕн старта тăнă ачасем. Çакнашкал физзарядка малашне куллен пулать. Ăна ашшĕ-амăшне те кăтартма хатĕр вĕренекенсем.
Н. НИКИТИНА.
Источник: "Авангард" (газета Батыревского района)