07 октября 2015 г.
Республикăри вĕрентỹ тата çамрăксен политикин министерстви тата "Çамрăксен инициативин центрĕ" учреждени йĕркеленипе Шупашкарта Ачасемпе çамрăксен пултарулăхĕн керменĕнче республикăри çул çитмен çамрăксен фестивалĕ иртнĕ. Унта районсенчи 19 ĕç бригади хутшăннă. Район чысне Пăлапуç Пашьелĕнчи "БЭМС: боевые, энергичные, молодые, симпатичные" ушкăн хỹтĕленĕ.
Фестивальте ĕç бригади çуллахи вăхăтра тунă çитĕнỹсемпе паллаштарнă, пултарулăх презентацине кăтартнă.
8 ачаран тăракан ушкăн бригада пурнăçĕ, шкул территорине тасатса тирпейлени, чечексем лартни, пĕлỹ çурчĕ çумĕнчи лаптăкра ĕçлени пирки туллин паллаштарнă. Мероприятисене хутшăнни, кунсене усăллă ирттерни çинчен хĕрсемпе каччăсем юрăсем, ташăсем, сценкăсем урлă кăтартнă.
"БЭМС" бригада "Çитĕнỹсен куравĕ" номинацинче виççĕмĕш вырăн çĕнсе илнĕ. Республикăн тĕп хулинчен виççĕмĕш степеньлĕ дипломпа тата Чăваш Республикин вĕрентỹ тата çамрăксен политикин министерствин Тав çырăвĕпе, асăнмалăх парнесемпе таврăннă.
Источник: "Авангард" (газета Батыревского района)