10 июня 2015 г.
ПỸРТЕ кĕрсен мĕн сас лайăх? Паллах, ача сасси! Иртнĕ эрнекун районти Çырăнтару керменĕнче икçĕрмĕш пепкене регистрацилесе çуралнă хут парнеленĕ. Хальхинче район историне çырăнса юлакан телейлĕ мăшăр Шăнкăртамран. Ферид Минкадировичпа Гульчира Джамилевна Купкеновсем йăх-несĕле тăсакан пепкене алла илнĕ. Фаяз _ çемьере иккĕмĕш ача.
Çак кунхинех районти ЗАГС пайĕн начальникĕ Наталья Емелина Сăкăтри Силюковсене, Пăлапуç Пашьелĕнчи Шаймановсене, Шăнкăртамри тепĕр çемьене _ Валитовсене _ йыш хушнă ятпа чун-чĕререн саламланă.
Источник: "Авангард" (газета Батыревского района)