30 апреля 2014 г.
АРКАДИЙ Гайдарăн "Тимурпа унăн команди" приключенилле калавне кучухнехи çамрăксем чылайăшĕ вуламан та пулĕ. Çапах та аслă ăрури çынсен асĕнче вăл пĕтĕмпех сĕвĕрĕлмен-ха. Сителти О. Камышова ватă кинемей те хăйĕн патне Пăлапуç Пашьелĕнчи вăтам шкултан ачасем пулăшма пырсан, кăмăллă та ăшă сăмахсемпе тав туса пĕтереймен. Çуркуннехи ыркăмăллăх эрнине хутшăнса В. Реймов, В. Козлов, А. Выросова, С. Козлов, Н. Выросов тимуровецсем Ольга Васильевнăн пахчисене, çурт йĕри-таврашне çỹп-çапран, типĕ курăкран тасатнă тата ытти те. Ватта ырă туни вара çамрăксене хăйсенех ырăпа таврăнĕ.
Источник: "Авангард" (газета Батыревского района)