Публикации » Тинĕс хумĕ ултă çул чÿхентернĕ

23 ноября 2011 г.

ПĂЛАПУÇ ПАШЬЕЛĔНЧЕ пурăнакан Л.Романов вăрçă çулĕсенче Амур флотилийĕнче хĕсметре тăнă, тупăран перекенсен ушкăнĕнче пулнă. Çак кунсенче ветеран 85-е кайнă. Çулĕсем шултăранаççĕ пулин те ĕнерхи моряк хăйне япăх мар туять-ха. Чăваш каччине тинĕс хумĕ ултă çул чÿхентернĕ! Виçĕмкун районти моряксен пĕрлĕхĕн общество организацийĕн хастарĕсем çар комиссариачĕн ертÿçипе пĕрле шурсухала çуралнă кунпа саламлама çитнĕ. Сăмах май каласан, Юхмапа Пăла тăрăхĕнче вăхăтĕнче матроссен йăрăмлă кĕпине тăхăннисем паян 300 çын ытла та. Вĕсенчен 172-шĕ хăйсен ирĕкĕпе чи-чи хастаррисен “партине” кĕнĕ. Салтак тивĕçне карап çинче ирттернисем пĕр-пĕриншĕн вутра çунма та, шывра путма та хатĕр.

Источник: "Авангард" (газета Батыревского района)