04 мая 2006 г.
Ленин ячĕллĕ çĕр- ĕç фирминче пĕрчĕллĕ тата пăрçа йышши культурăсене акса пĕтернĕ, çавăн пекех "Тат- Сугуты" тата "Чишма" хуçалăхсен арендăна илнĕ лаптăкĕсене шуратса хăварнă. Халĕ хуçалăхра çĕр улми лартассипе тимлеççĕ. Кăçал "иккĕмĕш çăкăра" 250 гектарта çитĕнтерме палăртнă, пĕлтĕр вăл 120 йышăннă. Пурĕ 6 тĕрлĕ сорт никĕсе хыврĕç, вăрлăх çителĕклĕ. Çĕр улми уйĕнче çулленех В. Марков механизатор ĕçлет. Кайран хăех кăпкалатать, кăларать. Алманчăсем ытти культурăсене те акса пĕтернĕ, куккуруса никĕсе хывасси çеç юлнă. Çитес вăхăтра çум курăксенчен гербицид сапма тухасшăн.
Источник: "Авангард" (газета Батыревского района)