Публикации » Патăрьелсене- ылтăн медаль

15 июня 2006 г.

Çак кунсенче Патăрьел районĕнчи Ленин ячĕллĕ агрофирма ертỹçи Юрий Попов, тата "Труд" ял хуçалăх производстео кооперативĕн ертỹçи Николай Михалов Мускавран кăмллă хыпар илнĕ: социаллă пурнăçпа экономикăн нумай енлĕ программисене пысăк яваплăхпа пурнăçланине шута илсе вĕсене Раççейре ыр кăмăллăх идейисене çĕнетсе тăратас тата аталантарас енĕпе пысăк вăй хунăшăн, ырă кăмăллăх акцийĕсемпе мероприятийĕсене хастар хутшăннăшăн "Меценат çăлтăрĕ" ылтăн орденпа наградăлама палăртнине пĕлтернĕ. "Сирĕн пек çынсем пуррипе ĕнтĕ пирĕн çĕршывăн хăвачĕпе вăйĕ ỹссе пырать", - тенĕ тăп хуларан килнĕ çырура. Ылтăн ордена Мускавра "Президент Отель" хăна çăуртĕнче сумлă лару-тăрура çĕртмен 23-мĕшĕнче параççĕ.

Источник: "Хыпар"