21 октября 2022 г.
Патăрьелĕнчи ачасемпе çамрăксен спорт шкулĕн Алманчăри пĕтĕмĕшле пĕлỹ паракан тĕп шкулта йĕркеленĕ йывăр атлетика секцийĕн филиалĕн 3 ушкăнне ачасем хаваспах çỹреççĕ. Çакна ăмăртусене хутшăнса тунă çитĕнỹсем те çирĕплетеççĕ. Нумаях пулмасть Шупашкарта иртнĕ тупăшăва пиллĕкĕн явăçрĕç. Хĕрачасенчен Алина Иванова 49 килограмлă виçепе иккĕмĕш, Анастасия Киргизова 55 килограмлă виçепе виççĕмĕш вырăнсене йышăнчĕç. Çĕнтерỹçĕсем медальсемпе грамотăсене тивĕçрĕç.
Павелпа Меркурий Быковсен, Артем Каруевăн кăтартăвĕсем те япăх мар. Вĕсем пьедестал çине лекеймерĕç пулин те штанга йăтас ăсталăх пуррине çирĕплетрĕç.
Ачасене йывăр атлетика вăрттăнлăхĕсемпе Николай Зимин тренер-преподаватель паллаштарать.
А. ИВАНОВА.
Источник: "Авангард" (газета Батыревского района)