15 апреля 2022 г.
РАЙОНТИ ял тăрăхĕсенче тирпей-илемпе çыхăннă субботниксем вăй илсе пыраççĕ. Çак кунсенче Алманчăсем те ял çыннисемпе пĕрремĕш субботника кар пуçтарăннă. Хальлĕхе вĕсем энергетиксем электролини çулне чăрмав кỹрекен йывăçсен вуллисене каснă хыççăн тирпейлесе тасатнă. Çывăх вăхăтрах тасалăхпа, хăтлăхпа çыхăннă субботниксене кашни урамра, обществăлла территорисенче те ирттересшĕн, çырма-çатрана та тасатасшăн, çав вăхăтрах пĕрлехи вăйпах йывăçсем лартса хăварма та шутлаççĕ.
Источник: "Авангард" (газета Батыревского района)