22 сентября 2017 г.
Алманчă ял тăрăхĕ экологи субботникĕсене яланах хастар хутшăнать. Çул хĕррисене те, çырма-çатрасене те çỹп-çапран, çумкурăкран тасатсах тăраççĕ. Хамăрăн асатте-асаннесем, çывăх тăванăмăрсем канлĕх тупнă масар вырăнне çуркуннепе кĕркунне тирпейлесси, хăрăк йывăçсене, хытхурасене тасатасси те ырă йăлара. Çак кунсенче çанталăкăн уяр кунĕпе усă курса бюджет сферинче тăрăшакан мĕн пур работниксем каллех сăваплă вырăна йĕркене кĕртме кар тухнă. Кирек мĕнле каласан та вăл пуриншĕн те ĕмĕрлĕх çурт шутланать-çке! Шел пулин те, районти хăш-пĕр ял тăрăхĕсенче çак ĕçе кирлĕ пек йĕркелемеççĕ.
Источник: "Авангард" (газета Батыревского района)