Публикации » Çĕнĕ "шăпăр" _ çĕнĕлле

30 мая 2017 г.

 Алманчă ял тăрăхĕнче çĕнĕ хуçа ĕçлеме пуçлани нумай вăхăт мар-ха. Апла пулин те курăмлă ĕçсем тума пултарни савăнтарать. С. Никитин чăн малтанах тавралăха тирпей-илем кĕртес ыйтăва çĕклерĕ. Килĕрен çỹресе тенĕ пек çỹп-çапа вырăнсăр тăкмалла марри çинчен асăрхаттарчĕ. Ушкăнпа вара пĕр хутчен çеç мар субботниксене те тухрĕç, масар çине тирпейлерĕç. Унчченхи лаша вити патĕнчи алă вĕççĕн е транспортпа пыра-пыра тăкнă çỹп-çап чылай çыннăн чĕрине ыраттаратчĕ-ха. Халĕ унта та таса, тирпейлĕ. Ырă шухăш тытнисене пулăшма Н. Федоров фермер та хирĕçлемерĕ.

Источник: "Авангард" (газета Батыревского района)