11 апреля 2017 г.
Сывă пурнăç йĕркине тытса пыма хăнăхтарас тĕллевпе Алманчăри вăтам шкулăн 5 классен руководителĕ Р. Еремеева ачасемпе "Калаçар-ха, сывлăх çинчен" темăпа конкурс ирттерчĕ. Розалия Вячеславовна мероприяти вăхăтĕнче вĕренекенсен тавракурăмне анлăлатассине те тĕпе хучĕ.
Класс икĕ командăна уйрăлчĕ. Кашнийĕ ят хучĕ, эмблема хатĕр-лерĕ. Кайрĕç вара "Сывлăх профилактики", "Тĕрĕс е тĕрĕс мар", "Практика", "Васкавлă пулăшу" тата ытти чарăнусем тăрăх малалла.
Кашни станцинчех пулчĕç вĕренекенсем. Сывлăхшăн мĕн усăллине тата сиенлине уççăн палăртрĕç. Тĕрĕс те тулли хурав- сем "Айболит" команда пачĕ. В. Хадарова, К. Аппаков, Г. Гаврилов, Д. Пахомов чи хастаррисем пулчĕç.
Источник: "Авангард" (газета Батыревского района)