05 сентября 2015 г.
АВĂНĂН 1-мĕшĕнче Алманчăра чăн-чăн уяв пулнă. Вăл Пĕлỹ кунĕпе, ачасен вăрăм каникул хыççăн пуçланнă вĕренỹ çулĕпе, пĕрремĕш шăнкăравпа çеç çыхăнман. Çак кунхине тăван ял çыннисем хăйсен 379-мĕш çуралнă кунне паллă тунă. Хыçра _ истори летопиçне çырăнса юлнă тепĕр çулталăк. Тăваттăмĕш ĕмĕре капашакан ялăн ĕçчен те пултаруллă ывăл-хĕрĕсене уяв ячĕпе саламлама, малашне те капăрланса, пуянланса пыма ырă сунма çитнĕ те мероприятие ЧР Патшалăх Канашĕн депутачĕ О. Мешков, район администраци пуçлăхĕ Н. Глухов, ял тăрăх пуçлăхĕ Г. Фомин, район депутачĕсен Пухăвĕн депутачĕ Г. Петров. Çитес çул вара 380-мĕш çуралнă куна, çавракарах паллăна, Алманчăсем анлăрах та паллă тăвасшăн.
Источник: "Авангард" (газета Батыревского района)