26 августа 2015 г.
Алманчăсем çак кунсенче ырă йăла-йĕркене малалла тăсса хăйсен ялĕн хисеплĕ гражданинне палăртнă. Вырăнти депутатсен Пухăвĕн йышăнăвĕпе килĕшỹллĕн çак сумлă ята Лидия Алексеевна Ковалюк (Антипова) тивĕçнĕ. Вăл Раççей журналисчĕсен тата писательсен Союзĕсен членĕ, сакăр кĕнеке авторĕ. Сăмах ăсти хăйĕн хайлавĕсенче ытларах тăван ялăн матур ĕçченĕсем пирки çырать. Паян Алманчăсем шăрантаракан ял гимне те вăлах шăрçаланă.
Сăмах май, ку таранччен çак хисеплĕ ята пиллĕкĕн тивĕçнĕ: Алексей Хитров, Иван Тенюшев, Владимир Илларионов, Василий Васильев, Наталия Семенова.
Источник: "Авангард" (газета Батыревского района)