11 июля 2015 г.
ĕ Çак кунсенче Санкт-Петербургра "Раççей студенчĕсен илемĕ" конкурса пĕтĕмлетнĕ. Ăна Раççейри культура, вĕрентỹпе наука министерствисем, "Раççейри çамрăксен пĕрлĕхĕ" обществăлла организаци йĕркеленĕ. Пултарулăхпа çеç мар, ỹт-пỹ илемлĕхĕпе, çыпăçулăхпа çыхăннă пысăк шайри тупăшăва пирĕн район чиперкки, Алманчă хĕрĕ И. Иванова та хутшăннă, Раççейĕн тĕрлĕ кĕтесĕнчен пуçтарăннă нар пек хитре 52 конкурсант хушшинче 14-мĕш вырăн йышăннă.
Чăваш патшалăх университечĕн дизайнпа копьютер технологийĕн вăрттăнлăхне алла илекен пĕрремĕш курс студентки аслă шкул чысне çеç мар, Чăваш Ене те хăй ирĕкĕпе хỹтĕлеме кайни ăнсăртран мар. Ирина Геннадьевнăра Турă панă капăрлăхпа сатурлăх ачаранах пулнă. Ахальтен мар ĕнтĕ яштак хурăн евĕр кĕлеткеллĕ чиперккен чи ырă та пултаруллă енĕсене тỹре членĕсем те пысăка хурса хакланă. Чăвашсен "Нарспине" вĕренỹре лайăх ĕлкĕрсе пыракан, спортра хастар та кăтартуллă, культура, творчество каçалăкĕнче пысăк шайра, талантлă та кĕвĕ-çемĕне ăнланакан студентка пулнине çирĕплетнĕ.
А. НИКОЛАЕВА
Источник: "Авангард" (газета Батыревского района)