11 марта 2015 г.
Тăван çĕршывăн Аслă вăрçинче çĕнтерỹ тунăранпа 70 çул çитнĕ ятпа кăларнă юбилейлă медальсем пирĕн района та çитрĕç. Пĕтĕм тĕнчери хĕрарăмсен кунĕ умĕн район администраци пуçлăхĕн тивĕçне вăхăтлăх пурнăçласа пыракан М. Калмыков тата районти социаллă хỹтлĕх пайĕн пуçлăхĕ Н. Никитина Алманчăри 34 тыл хастарне чыслă лару-тăрура çав медальсене парнеленĕ.
_ Эпир паян сирĕн умăрта çĕре çити пуç таятпăр. Хаяр вăрçă çулĕсенчи сирĕн ырми-канми ĕçĕр, паттăрлăхăр, тăван çĕр-шыв малашлăхĕшĕн кар тăни нихăçан та асран тухмĕ, хакне çу-хатмĕ. Пурнăçра Сире канлĕ те лăпкă ватлăх, сывлăх сунатăп, _ тенĕ Мансур Миневелиевич ватăсене медаль парса чыс тунă май.
Чыслава пухăннисене Алманчă ял тăрăх пуçлăхĕ Г. Фомин те саламланă, тыл паттăрĕсене вăрăм ĕмĕр суннă. Хамăр корр.
Источник: "Авангард" (газета Батыревского района)