27 августа 2014 г.
АЛМАНЧĂ каччи Александр Мышов Грозный хулинче йывăр атлетикăпа Раççей чемпионатне хутшăнасси çинчен "Авангард" хаçатра маларах çырса пĕлтернĕччĕ. Ун чухне Сашăна хаçат урлă ăнăçу суннăччĕ. Александр пирĕн шанăçа тỹрре кăларчĕ. Пирĕн ентешĕмĕр августăн 20-мĕшĕнче, хăйĕн виçе категорийĕпе ăмăртса кĕмĕл медале тивĕçнĕ. Хальхинче икĕ тĕрлĕ йăтассипе 298 кг пуçтарнă (133 - 165).
Аса илтеретпĕр: Саша хальхи вăхăтра Шупашкарти олимп резервĕсен шкулĕнче вĕренет, тренерĕ Н. Зимин. Маттур, Саша! Саламлатпăр, малашне те спорт каçалăкĕнче пысăк çитĕнỹсем сунатпăр!
Источник: "Авангард" (газета Батыревского района)