13 августа 2014 г.
АВГУСТĂН 18-25 мĕшĕсенче Грозный хулинче йывăр атлетикăпа Раççей чемпионачĕ иртет. Унта пирĕн ентеш, Алманчă каччи _ Александр Мышов _ хутшăнать. Саша хăйĕн виçе категорийĕнче августăн 20-мĕшĕнче ăмăртĕ.
Александр Мышов Алманчăра вĕреннĕ, Н. Зиминпа Г. Иванов тренерсем пулăшнипе спортра пĕрремĕш утăмсем тунă. Хальхи вăхăтра Шупашкарти олимп резервĕсен шкулĕнче вĕренет. Вăл кĕрешессипе темиçе хут та Тĕнче кубокне çĕнсе илнĕ. Иртнĕ çул Эстонире йывăр атлетикăпа Европăра мала тухассишĕн 20 тултарман юниорсем хушшинче иртнĕ ăмăртăва та хутшăннă. Унта виççĕмĕш вырăн йышăннă.
Хальхинче те Саша пире çитĕнỹсемпе савăнтарасса шанса тăратпăр, ăнăçу сунатпăр!
Источник: "Авангард" (газета Батыревского района)