Публикации » Вут-çулăмăн алли вăрăм, ун серепине çаклансан…

19 июля 2014 г.

ÇАК каç Алманчăсемшĕн синкерлĕ пулса тухнă. "Хĕрлĕ автан" ял халăхне тутлă ыйхăран вăратнă. Карсаковсен хуçалăхне вут хыпса илнĕ. Пушар хуралĕн ĕçченĕсемпе ял çынни кар тăни те йывăç çурта çăлса хăварайман - вăл çатăртатса çеç тăнă, туххăмрах кĕлленнĕ. Районти пушар надзорĕнчен пĕлтернĕ тăрăх, инкекĕн сăлтавĕ чылай чухнехиллех _ элктропроводка юсавсăр пулни. Çитменнине тата çурта страхламан та. Хура кĕркуннене хирĕç амăшĕпе ывăлĕ çурт-йĕрсĕр тăрса юлнă. Çавăнпа Карсаковсен çемье хуйхине пĕрле пайлас, вĕсене йывăрлăхра алă тăсса парас тĕллевпе Перекет банкĕнче 639002759001623390 номерлĕ счет уçнă.

Источник: "Авангард" (газета Батыревского района)