26 февраля 2014 г.
ГРАЖДАНСЕН пухăвĕнче Алманчăсем кун йĕркинчи тĕрлĕрен ыйтăва пăхса тухнă. Вĕсенчен пĕри _ чи савăнăçли. Çак ялта çуралса вăй-хăват пуçтарнă, ентешĕсем умĕнче хисеп çĕнсе илнĕ Н. Семенована "Алманчă ялĕн хисеплĕ гражданинĕ" ят панă. Наталья Аркадьевна ĕç стажне ялти вăтам шкултан, пионервожатăйран пуçланă. Каярахпа вара Шупашкарти пединститутри ют чĕлхе факультетĕнчен, Мускаври коопераци университетĕнчен вĕренсе тухнă. Аслă категориллĕ учитель хальхи вăхăтра право ыйтăвĕсемпе хỹтĕлекен организацинче тимлет. Ялпа, ĕçтешĕсемпе çыхăнăва çухатмасть хастар, май пур таран пулăшсах тăрать.
Сăмах май каласан ку таранччен çак хисепе çĕнсе илнĕ çынсем ялта тăваттăн: Алексей Хитров, Иван Тенюшев, Владимир Илларионов, Василий Васильев.
Источник: "Авангард" (газета Батыревского района)