05 февраля 2014 г.
Районта çул çитмен ачасене преступлени тăвасран асăрхаттарас, вĕсене тĕрĕс çул çине тăма пулăшас тĕллевпе шалти ĕçсен пайĕн çул çитмен ачасемпе тимлекен пайĕнче ĕçлекенсем час-часах шкул коллективĕсенче пулса профилактика калаçăвĕсем ирттереççĕ, тĕрлĕрен тĕл пулусем, мероприятисем йĕркелеççĕ. Нумай пулмасть пакунлисен пысăк ушкăнĕ Алманчăри вăтам шкулта вĕренекен ачасемпе тĕл пулса хура ĕç туса хурассинчен сыхланас, обществăлла вырăнсенче, урамсенче хăйсене тирпейлĕ тытас, эрех-сăрапа явăçасран асăрханас тĕллевпе тухса калаçнă.
Тĕл пулăва районти участокри уполномоченнăйсен начальникĕ З. Камалетдинов, Алманчă участковăйĕ В. Семенов, çул çитмен ачасемпе ĕçлекен пай начальникĕ В. Кузнецова, уголовлă шырав оперуполномоченнăйĕ А. Салмин, Г. Фомин ял тăрăх пуçлăхĕпе М. Горбунова шкул директорĕ хутшăннă.
(Хамăр корр. ).
Источник: "Авангард" (газета Батыревского района)