14 августа 2013 г.
Çак кунсенче Алманчăра çул-йĕре пăхса тăракан "Батыревская" общество маçтăрĕсем Совет тата Ленин урамĕсене çыхăнтаракан 350 метр тăрăшшĕ тăкăрлăка тикĕслесе вак чулпа сарса хытарнă.
Расхутсене саплаштарма республика тата район бюджечĕсенчи укçа-тенкĕпе усă курнă.
Сентябрĕн 1-мĕшĕнче шкул ачисем те çĕнĕ çулпа мăнаçланса, хавхаланса утĕç.
Сăмах май каласан, ял тăрăхĕнче мĕн пур урама тирпейлесе, йĕркене кĕртсе пĕтернĕ, кĕрлĕ-çурлă çанталăкра пылчăкпа çăрăлаканни çук.
Источник: "Авангард" (газета Батыревского района)