08 июня 2018 г.
Юнтапа ял тăрăхĕнчи Çĕнкас ялĕнче пурăнакансем Георгий Никоноров староста тата Юнтапа ял тăрăхĕн депутачĕсен Пухăвĕн депутачĕ Эмма Ефимова çак кунсенче ырă пуçару турĕç. Вĕсем йĕркеленипе çынсем йышлă пухăнчĕç те пысăках мар пĕвене юсарĕç.
Ял çыннисене «Алмаз» общество ертÿçи Геннадий Денисов пулăшрĕ. Вăл вырăнти хастарсене шифер, кирпĕч, ытти кирлĕ материалсем те пачĕ. Пĕвене Вячеслав Канюков тракторĕпе çĕнетнĕ.
Çĕнелнĕ пĕвере халĕ выльăх-чĕрлĕхе шăварма аван. Тавралăха тирпей-илем кÿрес енĕпе ĕçлекенсен вĕсенчен тĕслĕх илмелле те.
Е.ТИМОФЕЕВА пухса хатĕрленĕ.