15 декабря 2017 г.
Çар служби ĕнерхи шкул ачисемшĕн пурнăç шкулĕ темелле. Кăçалхи кĕркуннехи призывра Юнтапа ял тăрăхĕнчен иккĕн çара ăсанчĕç. Чулкаçри Петр Федоров салтак çулне уçрĕ пулсан, нумаях пулмасть Пиçенерти Валерий Кузьмин аслă пĕлÿ илнĕ хыççăн çар ретне тăчĕ.
Çак кунсенче вара çĕршыв умĕнчи тивĕçе пурнăçласа таврăнакансем те йышлă пулчĕç. Пĕлтĕр службăна ăсаннă чухне çав-çавах куçĕсенче шиклĕх палăрнă яшсем паян çан-çурăм тĕлĕшĕнчен çирĕпленсе çитни, шухăшлавĕ улшăнни сисĕнет. Тушкассинчи Алексей Александрова, Чулкаçри Алексейпа Дмитрий Тимофеевсене, Валентин Григорьева, Сергей Маркова пысăк йышпах кĕтсе илтĕмĕр. Çитес кунсенче Çĕнкас Юнтапари Александр Александровпа Кивкас Юнтапари Артем Сергеев килĕсене çитмелле.
А.АНАНЬЕВ,
Юнтапа ял тăрăхĕн пуçлăхĕ