Çул ыйтăвĕ яланах çивĕччисенчен пĕри пулнă. Çĕнкас Юнтапа ялĕнче пурăнакансене те çакă тахçантанпах пăшăрхантарать. Асфальт çул пулманран çуркуннехи-кĕркуннехи вăхăтра яла транспортпа кĕрсе тухма йывăрлăх кăларса тăратнă. Хастарсем килĕрен укçа пухса ялта çул сарма шут тытнă. Шутланă - тунă. Вĕсен пуçарăвне ял тăрăхĕн пуçлăхĕ Анатолий Ананьев та ырланă, кирлĕ материалпа тивĕçтернĕ. Вак-тĕвек кирпĕчрен çул сарса та тухнă маттурсем. Анатолий Канюковпа Григорий Мешков тракторсемпе пулăшу кÿнĕ. Георгий Никоноров, Александр Арсентьев, Валериан Димитриев, Анатолий Степанов, Валерий Бойков, Евгений Александров, Максим Андреев та çак пархатарлă ĕçе хастар хутшăнса ĕçленĕ.