15 июля 2016 г.
Районти хуçалăхсенче выльăх апачĕ хатĕрлессипе ĕçсем малалла пыраççĕ. Июлĕн 14-мĕшĕ тĕлне илсен, нумай çул ÿсекен курăксене 3360 гектар (99,2 процент) çулнă. Ку ĕçе «Новый путь» хуçалăхра уйрăмах пысăк лаптăк çинче пурнăçланă. 780 гектар çинчи курăксене вăхăтра, лайăх пахалăхпа пухса кĕртнĕ.
Утă пĕтĕмпе 2200 тонна (105,8 процент) хатĕрленĕ. Ку енĕпе «Новый путь», «Алмаз», Ульянов ячĕллĕ хуçалăхсем, А. Харитонов, А. Петров, С. Егоров ертсе пыракан хресчен-фермер хуçалăхĕсем те ăнăçлă ĕçлеççĕ.
Сенаж 5000 тонна (101,8 процент) янтăланă. Çак ĕçе «Авангард», «Новый путь», Ульянов ячĕллĕ хуçалăхсенче лайăх йĕркеленĕ.
Силос хывасси те сарăлсах пырать. Ку таранччен 2350 тонна (40,7 процент) хатĕрленĕ.
Кĕр тыррисене акма çĕр хатĕрлесси те çĕр ĕçченĕн тĕп тĕллевĕ.
Суха ĕçĕсем «Алмаз», «Новый путь», «Колос» хуçалăхсенче, Г. Исаев, Э. Лебедев, Э. Григорьев ертсе пыракан хресчен-фермер хуçалăхĕсенче кал-кал пыраççĕ.
Источник: "Пурнăç çулĕпе" Аликовская районная газета