16 октября 2015 г.
Октябрĕн 18-мĕшĕнче Раççейре çул-йĕр хуçалăхĕн ĕçченĕсен кунне паллă тăваççĕ. Элĕк районĕнчи муниципалитет шайĕнчи çул-йĕре пăхса тăрассишĕн тата ăна юсассишĕн «Алиководорстрой» хупă акционерлă общество яваплă.
30-а яхăн çынран тăракан пысăках мар коллектива Е.А.Майоров ертсе пырать. Кăçал çу кунĕсенче асăннă коллектив Юнтапа, Чăваш Сурăм, Питĕшкасси, Крымсарайка, Ехремкасси, Тавăт ял тăрăхĕсенче çулсене тикĕслесе якатнă. «Кунта пысăк опытлă тата хăйсен ĕçне чунтан парăннă çынсем ĕçлеççĕ. Вĕсенчен нумайăшĕ районти çул-йĕре пăхса тăрассипе чылай çул тимлеççĕ. Аслисемпе пĕр йышра çамрăксене те курас килет», - пĕлтерет Евгений Алексеевич.
Источник: "Пурнăç çулĕпе" Аликовская районная газета