20 октября 2015 г.
Çĕнкас ялĕнче çуралса ÿснĕ Виктор Иосифович Викторов пуçарнипе Юнтапа салинче часавай тума пуçланă. Хальхи вăхăтра никĕсне хывнă, йывăç стенана хăпартаççĕ.
Часавай çĕклемелли вырăна Турă правилисемпе килĕшÿллĕн Калинино салинчи чиркÿ протоиерейĕ Сергий Моряков çветтит тунă.
Христиансен йăли-йĕркипе килĕшÿллĕн строительство ĕçĕсене Юнтапа ял тăрăхĕнче пурăнакансем пулăшнипе пурнăçлаççĕ. Вăрнар районĕнчи Хурапыр, Кушар-Юнтапа, Уйкас-Юнтапа ялĕсенчи хăш-пĕр граждансем часавай тума май пур таран укçа-тенкĕ уйăрма шутланă.
Стена хăпарсах пырать. Кунта ытларах Кивкас, Çĕнкас ялĕсенче тата Юнтапа салинче пурăнакансем ĕçлеççĕ. Çывăх вăхăтрах Турă çурчĕ уçăласса шанаççĕ.