Публикации » Пухăнса калаçрĕç

27 ноября 2015 г.

Ноябрĕн 25-мĕшĕнче «Чăваш Ен - тăлăхсемсĕр» республикăри автокараван Элĕк тăрăхĕнче иртрĕ. Тăлăхсене çемье ăшши парнеленĕ ашшĕ-амăшĕпе, шкулсенче усрав ачасемпе ĕçлекен социаллă педагогсемпе Чăваш Республикинчи «Ачасен вĕренÿ тата комплекслă пулăшу паракан Центрăн» педагог-психологĕсем тĕл пулса калаçрĕç. Çавăн пекех пухăннисемпе Çĕмĕрлери «Елочка» ачасен çурчĕн педагог-психологĕсем куллен сиксе тухакан ыйтусене тишкерчĕç. Çавăн пекех республикăри автокараван ĕçне район администрацийĕн пуçлăхĕн пĕрремĕш çумĕ Лидия Никитина хутшăнчĕ. «Паян Элĕк районĕнче 75 çемьере115 ача пурăнать. Вĕсене хăйсен хÿттине илнисем вĕсене çемье ăшшине парнеленипе пĕрлех тивĕçлĕ воспитани парасса иккĕленместĕп. Çак пархатарлă ĕçшĕн сире чĕререн тав тăватăп», - терĕ вăл. Унта пухăннисен ыйтăвĕсем çине районти ачасен прависене хÿтĕлекен Уполномоченнăй Э.Волков хуравларĕ.