25 августа 2015 г.
Августăн 21-мĕшĕнче Элĕк, Мăн Вылă, Ехремкасси, Юнтапа ял тăрăхĕсенче Администраци кунĕ иртрĕ. Район администрацийĕн пуçлăхĕ Александр Куликов Юнтапа ял тăрăхĕнче пулнă май Вырăс Сурăмĕнчи «Варкăш» хор коллективне купăс парнелерĕ, пултарулăха малалла аталантарса пыма ырлăх-сывлăх, ăнăçу сунчĕ. РФ Пенси фончĕн районти управленийĕн начальникĕ Алина Поклакова пенси тытăмĕнчи çĕнĕлĕхсемпе паллаштарчĕ. Социаллă хÿтлĕх пайĕн начальникĕ Галина Григорьева «Ĕç ветеранĕ» ята камсем илме пултарнине ăнлантарса пачĕ.
Источник: "Пурнăç çулĕпе" Аликовская районная газета