01 сентября 2015 г.
Юнтапа ял тăрăхĕнчи Пиçенер ялĕнче часавай çĕкленет. Ăна чăвашсен ырă йăлипе - ниме меслечĕпе хăпартаççĕ. Строительство валли укçа-тенке ял çыннисенчен пухаççĕ.
Ку пархатарлă ĕçе Королевсем - ашшĕпе ывăлĕ Василий тата Петр пуçарнă. Проекта шухăшласа тупнă хыççăн часавай ял варринче ÿссе ларнă та ĕнтĕ. Часах ĕçсем пĕтĕмĕшпех вĕçленмелле.
Часавай çĕклекенсем кирлĕ ĕçе хутшăнма, ыр кăмăллăх кăтартма чĕнеççĕ. Паллă ĕнтĕ, часавай кĕл тума кирлĕ, çавна май кунта турăшсем вырнаçтараççĕ, çурта, лампада лартма та майсем тума пăхнă.