17 апреля 2015 г.
17 апреля 2015 г.
2015 çулхи апрелĕн 14-мĕшĕнче Дубовски поселокĕнчи вăрманта çурхи çăмăл атлетика кросĕ пулнă. Унăн кăтартăвĕсем районти шкул ачисен Спартакиадин зачетне кĕрĕç. Судья протоколĕсенче 12 шкулти 240 вĕренекене регистрациленĕ. Ăмăртусем çамрăк çăмăл атлетсен çĕнĕ сезонти пĕрремĕш тĕрĕслевĕ вырăннех. Арçын ачасем 2 километр, хĕрачасем 1 километр чупассипе тупăшнă.
Пĕтĕм командăсен ăмăртăвĕн кăтартăвĕсене виçĕ вырăнпа хакланă. Вăтам шкулсенчен пьедестала Элĕк («ылтăн»), Шĕмшеш - («кĕмĕл»), Юнтапа («пăхăр») йышăннă.
Тĕп шкулсенчен йăлкăшсем çĕнтерÿçĕ пулса тăнă, иккĕмĕш вырăнта тенисем, виççĕмĕшĕсем - вутлансем.
Источник: "Пурнăç çулĕпе" Аликовская районная газета