03 апреля 2015 г.
Шупашкарта республикăри культурăпа халăх пултарулăхĕн Керменĕнче тĕрĕçĕсен конкурсĕ иртнĕ. Унта ача-пăча студийĕсен, лабораторисен, мастерскойсемпе кружоксен ертÿçисем хутшăннă. Районсемпе хуласенчи вăтăра яхăн тĕрĕçĕ мăн асаннесенчен куçнă пултарулăха кăтартнă, пилĕк сехет хушшинче кĕскĕ тĕрленĕ. Кĕскĕ - кăкăр умĕнчи тĕрĕ. Асăннă конкурс иккĕмĕш хут иртнĕ, ăна ятарласа ачасемпе ĕçлекенсемпе йĕркеленĕ. Тÿресем ĕçсене пысăк хак панă. Конкурсра Юнтапа шкулĕнче технологи предметне ертсе пыракан Светлана Константинова иккĕмĕш, Элĕк шкулĕнчи Татьяна Петухова виççĕмĕш вырăнсем йышăннă. Конкурса Элĕкрен Вера Степанова та хутшăннă.
Источник: "Пурнăç çулĕпе" Аликовская районная газета