Публикации » Публикации » Амăшне вилмеллех суранлатнă

19 ноября 2014 г.

19 ноября 2014 г.

Иртнĕ кунсенче Вырăс Сурăм салинче пурăнакан 48 çулхи арçын тĕлĕшпе Красноармейски район сучĕ РФ УК 111-мĕш статйин тăваттăмĕш пайĕпе килĕшÿллĕн ятарласа сывлăха йывăр суранлатнă хыççăн инкек тÿсекене асăрхамасăр вĕлернĕ пирки приговор кăларчĕ. Ăна çирĕп режимлă колоние 8 çул та 5 уйăхлăха «кирпĕч шутлама» ăсатнă. 2014 çулхи утă уйăхĕн виççĕмĕшĕнче çÿлерех асăннă арçын килте ÿсĕр пулнă. Çавăн чухне  хăйĕн 70 çулхи амăшне хытă хĕненĕ, аяк пĕрчисене хуçнă. Йывăр суранланнă ватă кĕске вăхăтран вилсе кайнине следстви комитечĕн Етĕрнери районсем хушшинчи следстви пайĕ тата суд çирĕплетнĕ.

 А. СТЕПАНОВ,

Етĕрнери следстви пайĕн следователĕ.

Источник: "Пурнăç çулĕпе" Аликовская районная газета