18 июня 2014 г.
Хаваслă та савăнăçлă иртрĕ районти ĕçпе юрă уявĕ – «Акатуй - 2014». Ял тăрăхĕсем «Элĕк çĕрĕн ăстисем» конкурсра тупăшрĕç. Жюри кашни курава тĕплĕ тĕрĕслерĕ, çĕнтерÿçĕсене палăртрĕ.
«Гран-прие» Ехремкасси ял тăрăхĕ тивĕçрĕ. Мăн Вылă, Питĕшкасси, Ураскилт, Тени ял тăрăхĕсем пĕрремĕш вырăна çĕнсе илчĕç. Йăлкăш, Крымсарайкă, Чăваш Сурăм, Юнтапа ял тăрăхĕсем иккĕмĕшсем пулчĕç. Виççĕмĕш вырăнта – Тавăтпа Шĕмшĕш ял тăрăхĕсем.
«Куракансен кăмăлĕ» приза Элĕк ял тăрăхне пачĕç.
Источник: "Пурнăç çулĕпе" Аликовская районная газета