Публикации » Йывăç лартнă

23 октября 2013 г.

Районти мĕн пур вĕренÿ учрежденисенче сентябрĕн 23-мĕшĕнчен пуçласа октябрĕн 14-мĕшĕччен «Йывăç ларт та ăна упра» кĕрхи акци иртнĕ. Ăна тăван тавралăха сыхлассипе тата тирпей-илем кĕртессипе çыхăнтарнă. Ача-пăча тата çамрăксен пултарулăх центрĕ палăртнă тăрăх, çак пархатарлă ĕçре 400 вĕренекенпе вĕрентекенсем тата шкул ĕçченĕсем активлăх кăтартнă. Вĕсем пине яхăн йывăç-тĕм лартнă. Юнтапа шкулĕ те акцире палăрнă. Вĕсем 486 тĕм лартма пултарнă. Чăваш Сурăмĕнче вĕренекенсем 180 йывăç лартса иккĕмĕш вырăн йышăннă. Акцире Карачурапа Вутлан тата Йăлкăш шкулĕсем те активлă пулнă.

Источник: "Пурнăç çулĕпе" Аликовская районная газета