16 сентября 2013 г.
Юнтапари вăтам пĕлÿ паракан шкул хăйсен ĕçтешĕсене – Çĕмĕрле районĕнчи шкул
директорĕсемпе вĕсен çумĕсене кĕтсе илнĕ. Хăнасем кунта вĕренекенсене вĕри
апатпа тивĕçтерессине йĕркеленин опычĕпе паллашнă. Çĕмĕрлесене çавăн пекех шкул
кăтартса çÿренĕ. «Çавра сĕтел» хушшине вырнаçнисене А.Кондратьев директор
вĕренÿпе воспитани ĕçне еплерех йĕркелени çинчен каласа панă, хăнасен ыйтăвĕсене
туллин хуравланă.
Ĕçлĕ тĕлпулăва Элĕк район администрацийĕн вĕренÿ, социаллă аталану, çамрăксен
политикин тата спорт пайĕн начальникĕ Э.Николаев, Çĕмĕрле район администрацийĕн
ĕçсен управляющийĕ В.Казаков хутшăннă.
Туслă тĕлпулу ĕçлĕ лару-тăрура иртнĕ.
Источник: "Пурнăç çулĕпе" Аликовская районная газета