19 августа 2013 г.
Тăвăш Юнтапа ял уявĕ чăннипех те интереслĕ иртрĕ. Хĕрарăмсемпе арçынсем чăваш
туйне сăнласа пачĕç. Параппанпа купăс сасси, туй арăмĕсен юрри урамĕпех сарăлчĕ.
Хăнасемпе уява пынисем кашнин пултарулăхĕнчен тĕлĕнчĕç.
ЗАГС пайĕн начальникĕ М.Николаева, Юнтапа шкулĕн директорĕ А.Кондратьев,
Тăвăш клубĕн администраторĕ В.Герасимов юбилярсене тата нумай çул пĕр-пĕрне
килĕштерсе пурăнакан çемьесене саламларĕç. Акă Геннадийпе Зоя Капитоновсем 55
çул, Виталийпе Октябрина Герасимовсем 50 çул пĕрле пурăнаççĕ. Георгийпе Роза
Илларионовсем те август уйăхĕ паллă вăхăт пулнине палăртрĕç. Общество пурнăçĕнче
активлисене те парнесемпе хавхалантарчĕç. Ассакассинчи А.Тимофеев ял историйĕ
пирки каласа пачĕ. Шупашкар районĕнчи «Нарспи» ансамбль тата Ехремкассинчи
С.Орлов чăваш юррисемпе савăнтарчĕç.
Спорт вăййисем те пулчĕç, сĕтел хушшине ларса шÿрпе те çирĕç
Источник: "Пурнăç çулĕпе" Аликовская районная газета